laldoma

Krismas 2011 in Karimganj

2011-12-30T17:09:00.006+05:30

Hyderabad atangin Karimganj, Assam-ah kumin october thla khan kan insawn a, kan Krismas hman hmasak ber thlalak tlem azawng ka'n dah ange. Kumin hian Upper Republic KTP ten Krismas min rawn hmanpui thei a, sum tamtak leh tha leh zung tamtak sengin programme thatakin an rawn tihlawhtling thei a, kan lawm takmeuh a ni. Krismas ni hian Pathianin ringlo tamtak Biakin ah leh Mission compound ah min rawn hruaikhawmsak thin a, kuminah pawh mi sang tamtak rawn pungkhawmin Pandal lianpui mai Rowlands Memorial High School tualah sain programme siam a ni a. Pathian thusawina vawi-4 vel zai leh lam karlakah neih a ni a, naupang te leh thalai etc. ten hun an nei bawk a. Tin, Biakinah pawh ringlo tamtak malsawmna dilin an tawngtai bawk a ni. An thu ngaihthlak leh an mithmuh zawng zawng te Isua Krista rinna kawnga hruaitu alo nih theihnan i tawngtaipui thin ang u.

Biakin kawtah mipui an pungkhawm

Pandal awmna leh Mission Compound inkar kalkawngah pawh an tam khawp mai

Ni 28-a KJS (kan thalai pawl ang hi) Bible track sem

Bible track sem

Karimganj Mission compound ruaitheh, Ni 26 December

Krismas 2011@Karimganj

2011-12-29T17:41:00.003+05:30

Upper Republic KTP band

Upper Republic KTP special Item

Compound naupang ten Krismas drama an chang mek

Kan nupa in Ranin kan siam ah

Kan nupain Biakin chhungah

Chhingmit intawng chu

2011-06-28T11:08:00.001+05:30

Rawllai ka ‘d’

Mihring kum chhiarnaah chuan alo rei ve ta hle mai kan tleirawl lai hun te kha. Belpui vala val ve ta na na na chuan duhte kanlo tawng ve a. Ni e, khatih hun lai khan ‘hmangaih’ ka tawng ve a ni. Ka ngaihzawng ti satliah lovin ka ‘d’ tiin ka ko hnap thin a, ka tan khuavel a ti parmawi thin! Kan ‘nih’ tan dan pawh ho te a ni. Vengkhat kan ni a, kan in pawh inhlat lote a ni. A u te nen phei chuan naupan lai atanga inkawm thin kan ni a.

Amah hi kei aia a naupan deuh avangin nau enin ka en thin. Mahse…zan khat chu tuikhurah tui kan chawi a (khatih hun lai khan kan khua hian PHE tui connection kanla nei ve lo), keini tleirawl kha chuan tin khat hi kan kawt zo chiah lova, a chanve aia sang deuhte kan kawt a. Kan tui chawi hawlam chu kan thian hovin hmun pakhatah kan chawl a, kan chawlh atanga rei vaklo ah chuan ka thiani te pawh an tuichawi hawlam an rawn thleng ve a.

Lo chawlve tura kan tih chuan anlo chawl ve mai a. Tlema kawngpui atanga piah deuhvah kan thukhawm laih mai a, amah hi a hma pawha kalo mitmei ruk thin leh ka thiante hnenah pawh ka sawi thin avangin nakinah chuan ka thiante chuan ka rilru hria niawm takin ‘chance’ min pe ta a ni. Tichuan chumi zan atang chuan ‘d’ kalo nei ve ta. Hmangaih lehkha kan inthawn dan leh kan inkar a kip akawi chu sawilo mai ila, mahse sawi hmaih phal miahloh chu Inrinni tlai inbual fai zawh ver vawra ka ‘d ‘te inbula han len kha a ni. Ka hmuhturin pawnah a rawn chhuak ngei thin a, ava nuam thin em!

Tuantul vangin Zawlkhawpuiah

Kan khuaah vanneihthlak takin Matric ka pass a, science subject lak ka duh avangin kan khuaa zirzawmna awm ta silo chu Aizawl khawpui lamah kal a ngai ta. Matric ka pass kan lawm ni a ka ‘d’ hlimzia leh Zawlkhawpui ka pan dawn zana a hmel te chu lei leh van ang hlauh a ni. Mahse kan pahnih atan a that zawk tur zia hrilhfiah chungin inngai tak chungin Aizawl ka pan san ta a. Kan khua hi kala chhuahsan ngai vakloh avangin Aizawlah hmelhriat mumal nei talo chu ka lung a leng thin kher mai. Hun erawh a kal liam duak duak a. Mahse mihring hi alo mak a nih hi, thla tam a liam hmain lehkha kan in thawn tlem tial tial a. Thla riat vel naah chuan ka ‘d’ lehkha hmuh tur a awm tawhlo. Chutiang bawkin keipawh Aizawl ka thlen thlak tirha lehkhathawn ziah ka peih ang a ni ta derlo mai. Ka Hmangaihna a chuai ta em ni?

Lam ang kalo let leh ta

Kumkhat dawn kan khuaa haw lova ka awm hnuah chuan nikhat chu hawna hun remchang ka hmu ta hlauh mai a. Inrinni tlaiah kan khaw Bus-ah ka thuvang mai a, tlai dar 5 velah kan khua him takin Pathian zarah kan thleng a ni. Ka thlen veleh chuan ka thiante ho pawh an rawn leng sap sap a, an thu hriat chak pakhat ka ‘d’ nena kan chanchin min zawt a. Mahse chhan ngaihna vak ka hrelo, lehkha pawh kan inthawn ngai tawhloh thu leh kan ‘nih’ tawh loh thuin ka chhang mai a.

Chawte ka’n eikham a, hemi zan atang hian kan khua naupang Sunday School Inkhawmpui Venglai BiakIna a awm dawn avangin kan thian ho pawh Inkhawm turin kan inau khawm a. Tan hma hretin kan thleng a, BiakIn chhung chu a lokhat vek tawh mai a. Keini chu BiakIn hnung Pulpit chung zawn lama Balcony-ah kan thu a. Mipui ep zawnga kan thut bakah tlar hmasa berah kan thu si a, kan lang chiang kher mai.

Chhingmit a intawng

Inkhawm kan tan a, tan atanga rei vaklo ah chuan hmeichhe thutna lampang tlar laiah chuan ka ‘d’ (hlui) ngei mai thu ka zu hmufuh ta. Ka zuk en a a ni chuan a hma tang khan minlo hmuin minlo en reng tawh ni awm tak a ni ka’n en (melh) ve chuan hmuhnawm min tih hmel tak hian minlo thlir reng mai a. Ka rilru-ah thildang a awm tawh lo, kan tuichawi zana ka hmangaihna kha a lokir lehta niber hian ka hria. Duhthawh taka kan mit leh mit kan han in tawntir chu ka tuiral hi a ni ber mai.

A va nuam em! Ni e, khami ‘hun’ atang khan kan induhna alo pung a, kan inhmangaihna chu ahma aia nasain chhem alhin a lo awm leh ta. Inkhawm kan bang a, ka thiante ho bula kal lovin ka ‘d’ (thar) chu ka zawng nghal vat vat a. Kan han inhmu chu inzah tak chungin kan in chibaia. Chutah chuan ka lenna tur tuma zawh ka ngailo keimahah hian a chiang vek tawh. An inlam panin kan haw dun a, rawn leng rawh a tih hi ka nghak phal tawhlo, ka rawn leng dawn aw tiin ka zawt nghal a. Ani pawhin lawmtakin alo ‘aw’ a, a tawi zawngin sawi ila kan in hmangaihna chu kan ‘rewind’ leh ta a ni.

Lal ISUA nen in chhingmit a intawng ve tawh em?

He thu ka ziah chhan ber chu Lal ISUA nen kan chhingmit hi a intawng ve tawh em? tih hi a ni. Peter-a phatsantu tenawm pawh vawi thum a phat hnua Lal Isua’n a mita a enkalh chuan a tuiral zawih zawih mai. Tirhkoh Paula pawh Lal Isua, a tihduhdah thin eng chuan a chhun thlu a, a thinlung chu a va danglam nasa tehreng em.

Chhiartu duhtak, kan mit leh Lal Isua mit a intawn meuh hi chuan khawiah nge kan kal anga, enge kan tih ang tih hi zawh kanla ngai dawn em ni? Keipawh kalo theihnghilh tawh, mahse chiang tak maia kan chhingmit a intawn avangin ka ‘d’ hlui kha ka ‘d’ thar alo ni leh ta a. An run sang kaiin nauang kan nui za leh theita a ni. Lal Isua nen in intawn hun chuan rinhlelhnain I khat tawh lovang a, Amah ring chungin Amah chu I theihna zawng zawng nen i fak tawh zawk ang.

ZAWHNA KA ZAWT ANG CHE

2011-04-20T16:05:00.001+05:30

Zawhna ka zawt ang che. Uluk takin ngaihtuah la min chhang dawn nia. Chhanna rintlak ka beisei a ni, chumi atan chuan i ngaihtuahna fimtak kha hmang ang che. I thiante leh i nupui leh i pasalte ngaihdan leh an pawmdan ka beisei lova, nangma thinlung chhungril atanga chhuak chhanna a ni ka duh ni. Rev Liangkhaia khan a rilru chhungrilah he zawhna hi a pai reng thin a ni ang hlathu hmingin a lo ziak chhuak a. Vawiinah hian he thu hi min zawt nawn a ni.

Ka zawhna chu hei hi - Engtinnge Pathian Fa mal chu misual ka tan alo thih?
Zingni chhuak engmawi leh boruak thianghlim min pek zozai avanga kuna chibai buk reng tur kan nih piahlamah Ama Fapa meuh ui hauh lova thihna kutvawt tuar tura chhantu neilova a tualthih dan hi thumak tak a va ni em!

Lunghriam hnam hunlai atangin mihringte hian thir (metal)-a siam hmanrua hmanna chang kanlo hria a, kan nundan pawhin hma a sawn chak hle mai. Tunhmaa kan chhehvela thil awm mai mai thin te chu awmze nei zawkin an awm a ni tih kan lo hre mek zel bawk a. Thil reng reng hi amah maia awm lovin siamtu emaw awmtirtu emaw an awm ngei niin mi tamtakin an ring a, chik tak leh dilchhut takin chung thilte chu an chhui a, an hriatthiamloh leh an hriat loh te hriatbelh an tum a. Chu chuan zawhna tamtak a rawn hring chhuak a ni. Hriatthiam ngailoh leh a ngaihna an hriatloh zawhna an han zawh changa dik taka chhangtu te chu ‘mifing’ tiin mi ngaihsan an hlawh a. Khua leh tuiah pawh dinhmun tha changin khawtlang mimir zahkai anlo ni thin.

Lui leh tuifinriata inkal pawh nan hmasang atangin Lawngleng an lo siam chhuak a. Tangkai taka hman mai anla duhtawk lo cheu! Zawhna lo awm ta chu engvanga lawngleng hi tuia lang thei nge a ni tih hi? He zawhna khirhkhan tak mai hi Archimedes-a chuan Archimedes principle buoyancy hmangin zawhna te alo chhang tawh a. Hriatna alo pung a, theihna a lo sang zel bawk. Engatinge van lamah thil kan vawr a leilamah kher alo tlak thlak, phei zawngte emaw a nihloh leh van lamah awm reng mai awm. Mahse Isaac Newton-a chuan law of universal gravitation hmangin he zawhna hi alo chhang tawh bawk a ni.

Thiamna alo san zel avangin mihringte hian hriatloh neih kan duh lova, chhan theihloh zawhna a awm tur a nilo tiin sum leh pai leh tha tamtak sengin chung thuruk inthup te zawngin kan hmanhlel a ni. Khawvel pawh a zau sawt e! Kan Lal Isua hunlaia khawvel chu Rom empire leh a chhehvel chauh a ni a. Tlawhpawhloh ram te daidar turin Christopher Columbus-a te, Vasco da Gama te an hmanhlel a khawvel pawh a zau sawt e. Vansang lamah lah thla leh arsi te chu kan inpui a lo ni ta. Thlaa lawn te kan intihhmuh a, van thengrenga zin te chu infiamna hautak takah alo chang ta bawk a. Hmuhhmaih a awmloh nan leh chhantheihloh zawhna awmlo turin kan khawlthaber leh operator thaber kan hmang a. Second reilo te thil lo lang zawk pawh lo hrechiang a lo hrilhfiah nghal zung zung thei turin kan hmanhlel a ni.

Thiamna in tawp chin a neih miau loh a vangin mi thenkhatin kan hna zawng zawng chanve min thawhsak theitu an tih mai ‘computer’ te pawhin kan inchhung lum a rawn rap ve a. Google hmangin kan hriatloh kan hria a, FB in kan hmuhloh min hmuhtir bawk. Khawvelah hian chhantheihloh zawhna zawhtur a awm tawhlo a ni ber mai.
Enga tinge ? Eng vanginnge ? Eng aiah maw ? Khawvel leh a chhunga thil awm zawng zawng siamtu in hreawmna sawi hleih theihloh tuar tura Ama Fapa A rawn tirh mai le ? Khawvel finna hian chhang thei dawn ni ila kum sanghnih a chuang tawh, chhang thei sela chu kan khawvel mifing te pawhin an chhang tawh tur a ni. Mahse he thuruk hi khawvel finna atanga chhan chi a ni lo.

Nie, Amah anga A siam, a duat, chanvo tha engkim a pek, mahse A thuawih leh silote tan heti em em a A thilphalna hi mihring tawnga sawifiah mai theih a nilo reng a ni. Lehkhabua ziak zawhsen a nilova, mihring dam chhung kum 100 chhung hian sawi zawh hman pawh a ni love.

Rev Liangkhaia chuan hei hi a hrechiang a ‘thumak ka sawinin theihloh chu Kalvari chanchin a ni’ a ti tawp mai. Ka LALPA sualna neilo misualte zinga an khaikan ve mai nachhan hi thumak tak chu a ni. He ‘thumak’ hi ‘PATHIAN HMANGAIHNA’ a ni a, chu chu Amah ringtute apiangin an hrethiam a, he zawhna hi an ‘nunin’ an chhanglet thin a ni.

1906 Mairang Harhna leh Mizoram

2011-04-05T14:11:00.004+05:30

Ni 4 April (Thawhtanni) kha Mizoram-a harhna lothlen champha a ni a. Mizoram harhna lothlen dan ngaihnawm tak Rev SR Lalkailuaia ziak hi lo chhiar ang u.

Kan rama Kristianna rawnluh tirh lai vel a Pu Zosaphluia te, Pu Zosapthara te leh Pu Buanga ten Wales ram leh Khasi ramah harhna a thleng tih an hriat khan Mizoram-a thleng ve turin an duh em em mai a. A lothlen ve theih ngeina tur a nih beiseiin March 15-18, 1906-a Mairang-a Khasi Assembly awm chhim turin Chawnga, Khuma, Thanga, Vanchhunga, Pawngi, Thankungi, Siniboni (Khasi) leh chhimlam atangin Thankunga, Pasina leh Zathanga te sawmin Zosapte hian an hruai a.

Sairang atangin an chhuak a, Syhlet-ah Pathianni an cham a. A tukah Theiria-ah riakin a tuk lehah Cherrapunji veng pakhat, Nongsolia-ah an riak a. An thlen inah chuan zaia kutbeng leh phar duai duai te an hmu a, an hrethiamlova, uan thiltihah an ngai a mak an ti hle a ni. A tuka an han kal leh chu kawtchhuahah Khasi ho Inkhawmpui kal tur harhna chang rui hlim em em mai nen an kal hova. Sohravim khua an thleng a, kawng sira in pakhatah an lo zai a an khur bawk a, an kalpuite chu an lut ve mai a, Mizo te chuan nghah chi niin an hre lova an kal san ta a. Luite pakhat anva thlenga chaw an fak ta a ni. An chawfak lai chuan Khasi-ho chuan an rawn umpha leh a an la khur dur dur hlawm a. Thanga chuan, “Enge maw in hlauhva in khurh in khurh hlawm mai le ?” a tita chawt a. Anni chuan, “ Engmah kan hlau love, PATHIAN in thil ropuitak min tihsak a, kan lawm a kan khur a nih hi” an ti a. Chutah chuan thil awmzia an hreve ta deuhva. An kal zel a, Mawhphlang khua an thleng a, an riak ta a.

Mawphlang khuaah chuan zanah hlim takin an Inkhawm a, a tukah chuan Mairang khua chu an thlengta a ni. Pu Syney Hama Inah an thleng a. Tlaia tawngtai Inkhawma an kal chuan Sawrkar Officer leh mi ropui taktak inkhawm an hmuh chuan an awt hle a. Sawrkar hnathawk hmasa Suaka, a hnua Durtlang Lal ni tate chu an hrechhuak rum rum a ni. A tuka chawhma Inkhawmah chuan Pulpit bulah an thut ho tir a. Inkhawm chu an zaitui hle mai a. Thanga chuan hnung lamah tap niawm tak thawm a hria a, ahan lehhawi a Khuma chu a tap alo ni a. “Tunah chuan Mizoram-ah harhna a lo thleng ve ta” a ti hial a ni. Tlai lamah tualmei an ainaah an zai laiin Vanchhunga chu a khawng ta tlat mai a a kut te a hum ruh a. An buaipui lai chuan “Aw LALPA, ka rinhlelhna tlang aia lian chu i labo ta a, ka lawm e” tiin a rawn au chhuak a, a khawng chu a reh leh ta a. T umkhat pawh Thanga chu a hit ta mup mai a, tlu mai dawna a inhriatin a insiam fel a,harhna a zem ve deuhin a inhre bawk. Tichuan, Mizo zinga harhna chang hmasa ber chu Khuma a ni a, a dawtah Vanchhunga, a pathumna chu Thanga a ni ang.Inkhawmpui tiak dawn Pathianni tlaiah Mual Inkhawmah a bik takin Mizo lokalte leh Mizoram pumtan harhna dilin tawngtai rual an rawt a, chuta an tawngtai chu an tuiin an thawm a na hle an ti. Mizo-ho pawh athen chu an tap a, an au ve viau a ni. Hlim taka zana an Inkhawm leh hnu chuan Inkhawmpui chu a tiak ta a ni.

Inkhawmpui tukah chuan an hawng ta a. Sohvarim an thlen chuan an kalpuite chuan Thlarauvin kal zel aphal lo tiin an riak ta a. A tuk chawhma pawh chu an la cham a, chawhnuah an chhuak a Cherrapunji khuaah an riak leh ta a. Zanah an Inkhawm a, chutah chuan Pasina a lam ve ta zak zak mai a. Ani hi Mizo zinga harhna avang Thlarauva lam hmasa ber a niin a lang. Cherrapunji an chhuahsan a an thlen In pa chuan an luchungah kut nghatin a tawngtai theuh a. A tawngtaizawh chuan, “Mi pakhat tih chauhlo chu in faikim vek e. In kal a, Thlarau Thianghlimin a kalpui ang che u a. Setanah pawhin a zui dawn che u a ni. Fimkhur hle ula, in fimkhur loh chuan buaina in tawk ang” a ti a, a in chibaia, an kal ta a.

Silchar an lo thlen chuan an inbe duh lo ta tlat hlawma, an tum deuh hmur hlawm mai a. An lo haw zel a,Neihbawi Bangla an lo thlen chuan Thanga chuan an awmdan chu sawifiah turin a ti ta hlawm a, A engamahchu sawi tur an nei hlawm ta lo va. Tichuan, an fimkhurloh vanga anchungah he thil hi thlengah an ngai a, an loharh ta hlawm a, Setana tihbuaina lakah an fihlim tâk avangin an lawm hle a, Pathian hnenah lawmthu sawiin an tawngtai ta a ni.

April 4, 1906 (Nilaini) chawhnu lamah chuanChaltlang-a tuna Bethel lungphunna hmun hi an lo thleng a, an chawl a a mal te tein an tawngtai a. An tawngtai zawh chuan Pu Zathanga chuan, “ A hmasa ber a tawngtai khan Vansangah meialh thlawk ka hmu a, tawngtai apiangin a lo hniam tial tial a a hnuhnungber a tawngtai khan kan zingah alo awm ta a ni ang ka hmu ta hauhlo” a ti a. Thlarau Thianghlimin a luah ta ngeiin an inngai a,zai chung hlirin an kal leh ta a. Tlai dar ruk velah Mission veng an thlenga, an thlen zan atanga Pathianni thlengin thil thar engmah a thleng zui lo.

April 9, 1906 (Thawhtanni)-ah chuan Pu Zosaphluia lopuan tawh angin chhim lam palai hawng tur thlah Inkhawm chu an nei ta a. An han zai chu an zai tawp thei ta hauh lova, an zai ta tluk tluk mai a. Chutah Pi Hlunziki chuan a sual a rawn puang a, tawngtaipui a ngen nghal a chu chuan mipui a thawng lehzual. “ Vandar vaw ring rawh u, vawiinah kan lawm ang, mi pakhatin a sual sim ta” tih hla an sa zui a. Zai nen, sual puan nen, tawngtai nen an ri ta mup mup mai a. Zing lama an Inkhawm kha tlai dar li(4)-ah an bang thei ta chauh a ni.

Hei hi Mizorama harhna nawlpui a lo thlenna bul chua ni. Pu Zosaphluia chuan,“Van atangin Thlarau Thianghlim meialh chu kan zingah a lo thleng ta a ni” a ti a. Reiloteah Mizoram khaw hrang hrang Muthi, Sakawrtuichhun, Maite, Ngopa, Khandaih, saipum, Pawlrang, Bunghmun leh Zokhawsangah te a thleng ve nghal a ni.
He harhna hian Chanchin tha hrila thahnemngaihna thar a tuh a, an kalna leh thawhna apiangah Chanchintha an hril zel a, an sawi mawlh mawlh a ni. A hmaa kumkhatah 10 pawha pung ngai mang lo kha, a za telin kum tin an lo pung ta a ni.

Tin, mirethei leh harsate hnenah chauh ni lovin lal leh milianho zingah pawh ringtu an lo awm ta. Lal, kristian-a inpe hmasate chu Vanchhunga, Kolasib Lal leh Hrangvunga, Bunghmun Lal te an ni. Sawrkar hnathawk hmasa Suaka te pawh Kristian niin mi tangkai tak an ni ta.

He harhna hian Mizoram-ah chi nung a tuh a, 1913,1918, 1930 ah te a runpui lo thleng lehin, tun thlengin harhna hian kan ram hi min awm chilh ta a ni.

Vision City building thlalak

2011-03-31T15:57:00.005+05:30

A dinglama mi khi Multipurpose Hall (Kitchen & Dining Hall) leh Meeting neihna atan kan hmang a, pakhat zawk khi riahna room a ni.

Meeting Hall

Hall office tura kan duan, a bang lehlam siam tawh

Multipurpose Hall Front View

Landscaping ka siam ve a nih khi

Multipurpose Verandah-ah thuthhleng tur an siam mek

Chaw dawhna (pantry) hi duh huna hawn theih turin partition wall a awm

Kitchen chhung

Front View of Multipurpose Hall (A vaia lang thei)

Riahna tur building

Pathian zarah kan building sa pawh kan chhunzawm vel zel e.

Kala hmangaih reng che asin

2011-02-12T14:16:00.003+05:30

Bul tanna

Ni leh thla, kum tam alo liam leh ta reng mai. Ka duh a Ka thlang chhuak a mipui sang tam tak zing atangin. A ni aia tha, mawi leh Keima nihna nena inhmeh hliah hliah zawk tur pawh Ka hmulo a nilo. Mahse engin nge min mawlh le!...Ka hmangaih tlat si. Ka han inpuang law law ange - mite itsik thamin a ni Ka hmangaih ni. Amahah hian Ka tana chhenfakawm vena tur pawh a awmlo mai ni lovin amah avang hian vawi tam tak Ka rum zawk a ni. Hun lo la awm zel tur chatuan chatuan thleng pawhin tiin Ka hmangaihna Ka hlan a,Ka duh em avangin atan kumkhua pawhin Ka rinawm ang tiin Ka in tiam bawk a. He hmangaihna hian hrualhrui angin chat lovin Min phuar bet tlat a ni.

Mahse tangdang zunah maw ilo uai a

Hun leh nite tuilian angin anlo liam zel a. Hlim takin Kan lengdun zel dawn emaw Ka tih laiin phatsanna tenawm tak Ka tawk ta zeuh zeuh mai. Sal ang maia a awmlaia Ka chhanchhuah te, miten mi pangngaia an hmuh ve theihna tur atan a Ka thiltih sak zawng zawng te chu Ka duhtaki chuan hmusitin tangdang minlo belhsan ta a ni. Kei aia amah duat leh ngaihsaktu hmu niawm maiin Ka lam alo hawi duh ta lova. Heng an chanchin zawng zawng te hi hmulo in hrelo thei ni ila chuan Ka chhungril natna tamtak hi a kiam tur a nia le! Lungngaiin Ka rum a ni! Ka hmangaih si a. A sakhming Ka sawi nin theihloh ka atang chuan selna anka pawh Ka tawng ta zeuh zeuh mai le, eng a ti zota ni maw! Ka duat, Ka enchimloh leh a mualpho hlau reng renga Ka tuamhlawm thin chuan Ka hmangaihna chu ngainepin Ka tangah alo bei duh talo.

Ka suangtuahna vakvel

Ka parmawite-i chu ka lam hawiin lo nui leh se tiin ka thlir vawng vawng thin. Amah ngaia ka awmlai min hnem tur an awm si lo. Ka lungdumtu ngei hi inchhirin lo let leh sela, Ka lunglawm a kim tur a nia le! A chang hi chuan Ka lam hlata a awm nasat poh leh Ka hmangaihna hi a zual nite hian Ka hre thin a, amah hmangaihtu diktak hi Min han hrechiang selang chuan Ka hmangaihna chu a van chhanglet nasa dawn em!

PATHIAN HMANGAIHNA ROPUI ZIA

Hosea bu ka chhiar a. He lehkhabu-ah hian PATHIAN hmangaihna nasat zia a lang nasa hle mai. Nu leh pain an fate an hmangaihna nasa ber an pek aia nasa in Pathianin Israel fate hi a hmangaih a ni (Isaiah 49:14, Nimahsela Zion chuan, 'Jehovan mi kalsan a, Lalpan mi theihngilh ta,' a ti a. Hmeichhiain a fapa, a rila rah chu khawngaih lohna turn a nau hnute hne lai chu a theihnghilh thei em ni? Thei e, chungte chuan an theihnghilh a ni thei e, nimahsela kei chuan ka theihnghilh lovang che). Engmah nilo, mite hmusit leh nuihzat Israel fate an saltanna atangin a hruai chhuak a. An tana ram a buatsaih sakah a hruai thleng a. Hmangaihna sawifiah hleihtheih lohvin a hmangaihin a tuamhlawm a. An mualpho a hlau va, an ralte a dopuiin hnehna a pe a. Mahse Pathian hmangaihna chu hnawlin an tet lai atanga anmahni enkawltu leh duat em em tu chu tlan bosanin an uire san a ni. Hmangaihtu rilru chu a rum ngei ang. Mahse hmangaihna a khat leh thutiama rinawm kan Pathian chuan Israel fate chu ala hmangaih a, an uire chung pawhin a la duh a ni tih tihlan nan Hosea chu uire nu Gomeri nupuia nei turin a ti a ni. (Hosea 3:1, Tin, LALPA chuan ka hnenah, Kal leh tala, hmeichhia, midang duhlai, uirenu chu va hmangaih rawh, Israela thlahte chu pathian dang hnen lam hawiin grep chhang ngaina mahse, LALPAN a hmangaih reng ang bawk hian, a ti a). Chumai ni lovin kan Pathian chuan a duhsak ngaiin la duhsak rengin a lainatna chu a la lantir reng a ni tih a hriattir bawk a. (Hosea 2:23, Tin, ani chu katan leiah ka ching ang a; Lainatdawnglovi chu ka lainat ang a, Kaminilova chu, "Ka mi i ni," ka ti ang a, Tin, anin, "Ka Pathian i ni," a ti ang).

Kei ka tan a hlu

A ang chhung ata vawi tamtak tlan bo thin, malsawmna nasa taka min vur chung pawh a lawmthusawi ngailo chung pawh a malsawmna a min vur reng te hi khawngaihna vang a ni. A man ngaihtuah hauh lova hmangaihna hi min duhsakna vang a ni. Ka khawlohna avanga hrem tur chhush zalen ka ni hi Chhandamna chu a ni. Mahni nunna pawh inhlan ral thak ngam hi hmangaihna thlawn a ni. Misualte A bula min awmtir phal ve avang hian kan PATHIAN hmangaihna hi hmangaihna ropui ber alo ni e.

'Pathian hmangaihna ropui zia
Thu leh hlain a hril seng lo'

PATHIAN MALSAWMNA KAN DAWNG

2011-01-26T21:53:00.003+05:30

Kum 2011 kum bulah PATHIAN malsawmna ropui tak mai kan dawng a, Scooty thar mawi tak (a mawi in tih ve leh ve loh phei chu ka hre lem lova!) kan dawng a, kan va lawm em! Rawngbawlna tangkai taka kan hman theihnan ka blog tlawhtute zawng zawng in tawngtaipuina ka ngen nghal e.

Zawlneite hrilhlawk MESSIAH

2010-11-29T14:11:00.000+05:30

History han en vang vang hian Pathian hnen atanga rawn kal ka ni inti leh keimah hi pathian ka ni inti tamtak kan hmu a. Heng sakhaw dang hmuchhuaktu - Buddha, Mohammed, Confucius, Lao-tze te ngei pawh hi chung ang mihring chu an ni a. Amaherawhchu heng mi zawng zawng hi kan LAL ISUA angin an pian tur thu te, khawia lo piang tur nge tih te, an nun hman dan tur etc. tumahin an hrilhlawk hauh lo. Kan LAL ISUA chauh hi A piantur thu hrilhlawk tu nei chhun a ni. Isua Krista hi a piantur thu te, a hun hman dan tur te, a thih dan tur thlenga puanlawk nilo selang chuan Ama lema rawn chang (impostor) tamtak an awm thei ngei ang. Mahse hmasang atangin mi tamtakin A chanchin an lo hrilhlawk avangin Juda ten nasa takin haider tum mahse tunthlengin ‘Messiah - Chhandamtu’ a nih zia a rawn lang chho zel a nih hi. A chunga sakhaw hmuchhuaktu dang te khi chuan ‘ Heta hi ka rawn kal e, mi ring rawh u’ an ti mai a. Chu chuan mihring pakhat ve mai an nih zia leh mihring dangte aia an ropui chuan bik lohzia a tilang a ni. Mahse Isua Krista erawh a rawn kal a, zawlneite lehkhabuin Messiah chanchin tur a ziah zawng zawng a rawn tidik thlap a. Chuchuan lokal tura an (kan) beisei a nihzia a rawn nemnghet a ni.

Bible-ah hian Isua Krista lokal tur thu hi vawi tamtak a in ziak a. Tuna ka sawi duh ber chu Juda te mai nilo, hmanlai khawvela hnam fing zinga an mifing leh ropui, lehkhathiam te pawhin Isua Krista piantur thu anlo hrilhlawk hi a ni.
Tacitus (AD 56 – AD 117, Rome ram a senator leh historian) an hmanlai Rome mite chungchang thu a sawi naah ‘Engtikni ah emaw chuan khawchhak lam in hnehna anla chang ang a, Judai ram atangin Hotu leh khawvel awptu a lo kal dawn a ni’ tih thu hi mipuite ngaihdan nghet tak a nih thu a sawi a ni. Suetonius (Gaius Suetonius Tranquillus, Suetonius ti a hriat chuan, ca. 69/75 – after 130), a pawhin khawchhak lam ram pumpuiah ah chuan matheilovin Juda ten thuneihna sang ber an chan tur thu hi hmanlai atanga mi zawng zawng lo rindan a nihthu a sawi bawk.

China ram mite pawhin beiseina an lo nei bawk a. China ram hi khawchhak lama awm a nih avangin an ngaihdan chuan mifing tak khawthlang lamah lo piang tur a awm tiin anlo sawi thin a. Hetiangin, “Tcheou dynasty hun laiin, Tchao-Wang lal kum 24 naah, ni riat ni thla 4 naah, chhimthlang lamah eng alo lang a. Chu eng chuan lal in a rawn en a. Chu eng chu a danglam em a vang in lal chuan a mifingte a zawt a. Mifingte chuan lehkhabu pakhat an lo chhiarsak a, chu lehkhabuah chuan khawthlang lamah mithianghlim a piantur thu leh chu mithianghlim zuitu chu an ramah ngei pawh an la awm tur thu an hrilh a ni”.

Greek mite pawhin ‘MESSIAH’ hi anlo beisei nasa hle bawk. An chunga anchhia lo thleng te a bo theihnan hetiang hian an mifing Aeschylus-a (c. 524/525 BC – c. 455/456 BC ) chuan a lehkhabu Prometheus-ah a lo hrilhlawk a ni. “Pathian lo lan hma chuan in anchhia te hi a tawp mai ring suh u, Amah ngei chuan A lu chungah midangte sual zawng zawng a la phur dawn a ni” tiin an beisei tibo lo turin mipuite chu a thlamuan a ni.

Roman mifing, Cicero (Marcus Tullius Cicero , January 3, 106 BC – December 7, 43 BC ) pawhin an thlahtu ten an thawnthu ah “Lal lokal tur, Amah kan rin chuan chhandamna kan neih theih na tur” ti a thu an ziah chu eng ang mi nge ni ang tih leh engtik hunah nge a lo kal ang tih alo chhui ve mek bawk.

Virgil (Publius Vergilius Maro , October 15, 70 BCE – September 21, 19 BCE), Roman hlaphuah thiam pawhin a lehkhabu Eclogues pali naah chuan hmanlai pipute ten a an sawi thin; hmeichhe thianghlim, naute lawma nui ver ver leh chumi avanga hun thim tak chu alo kian tur thu a sawi a ni.

Plato leh Socrates te pawhin he ‘Thu tisaa lo chang tur khawvel mifing’ hi lo la kal tur angin an sawi a (Anni pahnih hi Isua hun hmalama mite ve ve an ni). Heng mite hian chu Chhandamtu lokal tur chuan mite chu hmasang atanga an sualna anchhia chu a phelh sak dawn a ni an ti bawk. China ram mifing Confucius –a (September 28, 551 BC – 479 BC) chuan hemi lokal tur a hi ‘Mithianghlim’ tiin alo sawi thung.

Khawvel nghahfak ISUA KRISTA hi Juda te chauh nilo, khawvel mi zawng zawngin an lo nghakhlel em em tih chiang takin a lang e. Sual phuara awm te phelh a, an anchhiate tibo a, an hun thim tak te tibo turin beisei em em in anlo thlir a ni. Keini chuan vanneihna zawng zawng changin kan piantirh ata heng mite lo beisei em em hi kan hmu a ni. Kan tana ‘MESSIAH – CHHANDAMTU’ lokal hi kan lawmzia entir nan, kan thinlung A lamah hawiin Krismas dik tak chu i hmang ang u.

Tuhrah seng (In enlet nan i hmang ang u)

2010-11-03T15:51:00.007+05:30

HMCF Inkhawm Special Items

2010-11-01T13:46:00.002+05:30

Hnehna chu kata a ni

2010-10-13T16:38:00.002+05:30

A va hautak em!
He Indona hi do a va harsa em! Ka nun min tibuai thin a ni. Zing ka thova ka awm a nuamlo nghal a, thian ngaina hle e tilovin thian pawh ka kawm peih meuhlo. Ka hawina lam a piang hi a pik mup mai hian a hriat a tun hmaa kalo hlimpui thinte kha ka tan lawmna an chang zo tawh lo a ni. Khawvel mawi hi ka thlir hian hlimnain ka khat thei talo. Ka hmel te hi ava’n dang nasa tawh em! Tunhma chuan Lal hmel ang mai a hmel zahawm nei thin ka nih ve kha, ka mawina tizual tura ka’n inchei phei chuan thinlung a lawmin a a rukin a nui ver ver thin a ni. Tunah erawh chung hunte chuan hnutiang min chhawnin hmanlai an chang zo ta, kohkir leh theih ka nuam mange. Thimin min bawm a chhantu ka ngai a ni. Tuin nge min chhanchhuak thei ang le ?

Hnam len ka nuam mang e
Ka hmelma pa hi doral angin hmuh theih han niteh sela chuan aw... hnam (chem) sei leh hriam tak ka chhertir sauh sauh anga ka’n sat sawk sawk mai tur a nia tite in ka ngaihtuah thin. Anih loh leh puakrang silaiin kan tlir ang a vawikhat mah min rawn tibuai leh tawh miah lo turin ka’n kap anga. Ka buai thinna chu a reh duak mai awm si a. Mahse he ‘nun’ indona ah hian ka hmelma pa hi tisa anga hmutheih in a awm si lo.

Heihi ka han hrechhuak a
Singapore khawpui Indopui II naa a’n tlawm kha chu a luahtu British leh a thurualpui Allied Forces te tan kha chuan a hreawm duh khawp ang le. Sipai tha tamtak ral kutah an boral a an chan chuan maian chan pawh a tluk lo a nih kha.Singapore khawpui chu tanin lian takah a chang zo ta a ni. Mahse thinlunga tlawm ve ngailo General Douglas MacArthur-a, lehkha a an tlawmna thu ziaka thinlungah erawh tlawm chu sawiloh ‘Tunah hian hnehin ka awm a mahse lo ngai reng rawh u, kalo kir leh anga chumi hunah chuan hnehin ka awm tawh lovang, hnehtu ka ni tawh zawk ang’ a tih chher chher hnu kum reilo te ah hnehna a’n chang leh kha chu tun thleng hian zitirtu ropui tak niin ka hria a ni. Engtin ? Ele...indonaah ka’n tlawm a mahse hnehtu niin kan kir leh thei tih hi mawle.

Ka thovanga
Indona zawnga rapthlak ber ka nun hi hmachhawn harsa ka ti a ni. Lehlam lehlamah neksawrin ka awm a mahni chakna chuan kado hneh lo. Ka tlu a ka na em em a ni. Mahse beisei ka nei reng thin a chu ka beisei chu a rawnthlen theih nan tlumte a thlir takin kalo thlir thin a ni. Chu Ka beisei chuan thim chu rawn tikiangin engah min hruailut ngei ang tih ka ring nghet tlat a. Chutichuan ka beisei hlawhtlin nan he thil hi ka tita a, ka thovanga ka Pa hnenah ka kal dawn ani tiin ka rilru ka siam ta a ni. Tichuan ka thova ka Pa hnenah chuan ka kal ta ngei a thim chu a kiang a, tuifinriata lawng chhiatna tawk tuten an nghahhlelh em em khawvar chu kalo hmu leh ta a ni. Hnehin ka awm a mahse tunah chuan Krista zarah hnehtu ka ni ta.Ka tlawm a mahse ka tlawm hlen love, ka tlu a mahse Krista’n min kaitho leh ta.Hruaitu Krista ni suh sela chuan ka tlawm hlen ngei ang.

(Ka ringtu pui, nitina Indona hautak tak hmachhawn mekte’n hnehna an chan theih nan he thuziak hi ka hlan e)

Nun inthlakthleng chu…

2010-08-13T14:38:00.002+05:30

Mitin mai chuan Krismas hlimawm tak lo thleng tur chu nghakhlel em em in an thlir a, ani pawh a bang bik awm love. A sum leh pai neih te chuan thiltui hnai tak tak a lei a, chung zingah chuan a fate Krismas present pek tur te, Krismas ni a an hemhmin tur arsa tamtawk tak, ‘tun kum hi vur a tlak nasat em vangin a vawt zual a chuvang chuan kawrlum tha tlem aman tam deuh lei teh ang’ ti a a lei te chu Motor hnungah chuan a dah a. Zirtawpni a ni a, a hmalamah enge lo thleng dawn tih hre lovin an khawlamah a fanu naupang te nen chuan Krismas hmang turin an chhuak ta a ni. Khua an pel fel a, tluangtakin an tlan zel a, vur lah chu a tla tam em em mai a, a car kawngkhar ah te chuan vur hi a rawn var phek phek bawk a.

Mel engemaw zat an tlan tawh a, mahse an khua hi a hlat tham deuh avangin mel sawmnga vel tlan an la hma bak a. A rilru ah chuan thil tamtak a ngaihtuah in ka ring. Ala naupang a, a hmel lah a thatawk. An hausa a, pasal tha tak a nei bawk. Mite chung en an ni a, chuvang chuan khawvel hi nuam a ti a engdangmah a mamawh lo. Tunah pawh Krismas hmang turin a nu leh pate, a pasal ten anlo nghak mek a ni. Darkar reilo te ah an inah an in hmu khawm ang a, tu dang mah an ngai leh lovang. Krismas te chu kumdang ang thovin ‘Krismas awm chhan’ ngaihtuah lem lovin an hmang leh ang a, mahse harsatna a awm lem loh chuan nuam anti leh viau thovang.
Chung te leh thildang tamtak a ngaituah lai chuan vawi leh khat ah a car chu a rawn in sawh dawt dawt a, thil a ngaihtuah nasat lutuk avangin a car khalh lai alo ngaihthah deuhva, duh aia chakin a tlan a lo ni. A tlan chak tawh lutuk avangin a car khalh lai chu a thunun zo tawh lova a hmabak hmasa ber chu a himna tur a kawngsira motor din theihna tura engemaw sut tur zawn chu a ni. Chutianga a tih chauh loh chuan a nu leh pa leh a pasal hmu tur a awm tawh hauh lovang le.

A rilru ah chuan he hun reilo te chhung hian thil tamtak a rawn lang nghal zuai zuai a. A tunhma hun lo hman dan chu khawthian em em zana arsi chiang taka kan hmuh thin aia chiangin a mitthlaah chuan a rawn lang nghal pur pur a. Mahse a ngaihtuah rei ngamlo, a duh ber chu ‘a hunhman tawh zawng zawng a bul atanga hman that leh’ a ni. Nunna siamtu a ni lova, a taksa chungah hian thu a neih bawk si loh avangin a duhthusam hi a thleng dik angem tih a hre bawk si lo. A rilru a hreawm em em a, tun hmaa a hlimna te chu a huntawp darkar ah chuan amah ti lungngaitu a lo ni ta a ni. A hlau lutuk chu a au chhuak thawt thawt a.

Chutia hlauhlawp chunga a in dawm kunreng lai chuan thil pakhat ngaihtuah chhuah a nei ta a. Hun reitak chhung a lo thlauhthlak tawh mi pakhat amah tanpui theitu a awm a ni tih a hrethar leh ta a. Mitkhap kar pawh inngaihtuah lovin a lu a kun a a tawngtai ta a ni. ‘Aw LALPA, kum tamtak chhung nangmah hrelo leh ngaituah ngai lova kalo awm thin avangin min ngaidam ang che. Tunah chuan, zanin atang ngei hian ka nun hi i tan chauh ka hlan tawh ang a, nun inthlakthleng ka nei tawh ang’ tiin rilru leh tihtakzetin a tawngtai ta a ni.

Chutichuan thilsiam thar alo nih tawh avangin a nun dan chu ama thu a ni tawhlo tih a hria a, kawng engkimah ‘ISUA telloh na chu thihna’ a ni tih a hrechiang tawh a. A nun pumpui in nghahnan ‘Engkimtitheia’ chu a hman tlat tawh avangin mahni thu a kal a tum talo. ‘JESUS TAKE THE WHEEL’ tia Isua chu sawm chungin a hringnun lamtluang zawh hmabakte chu zawhchhuah alo tum ta zawk a ni. A him ber tih a hre si a.

A hla thu a tha em em a, a sa lartu Carrie Underwood-in a thiam bawk a , he hla ‘JESUS take the wheel’ tih hi keimah anga mawi lo ti ve em em tamtak an awm pawh hi alo mak lem love.

Our Defender

2010-08-06T11:54:00.005+05:30

Being a little boy and without much strength to show off, i guess i was one of the soft target in my childhood days. Also i was really weak in mentally as well as physically. So i think you can imagine that i do not have anything which makes me proud in terms of physical challenge (oh...i almost forgot i was challenge by one boy but i beat him which leads to losing his teeth). Rather I always need a cover to makes my life livable. Yes, of course, If you do not have someone by your side your life would be ‘kick boxing life’. One boy will come and say ‘hey, do you challenge me? Are you feared of me? if not, come we will fight each other’. Even if you do not want to fight and trying to run away, that will not help. Sometimes i wonder why they need to ask whatever things we have. Whether it is eatable or others or it might be a special gift from my mom. That does not bother them; as soon as they said ‘give me’ I have to give them without showing any hesitation ( I should say happily). So undoubtedly what I need is someone to protect me so that I could sit in my class, I could play games also I could walk home freely after School.

We, Christians are in the world of battle, every time we are facing a threat from our enemy devil. John the Baptist saw a scroll sealed with seven seals. But when the angel proclaiming that who is worthy to open the scroll and to loose its seals, No one in heaven or on the earth or under the earth was able to open the scroll, or to look at it. But there was someone who is qualified to open the scroll; He is the Lion of Judah, Jesus Christ. What does Lion mean – Lion is the king of Jungle, who can defeat all the animals.
God knows how much temptation we are going through, but He gave us Jesus Christ who can defend and defeat all the hindrance in our walkways. As the Lion is strong enough to defend the enemies, Jesus Christ is also strong enough to defend us in times of battle. As i already mentioned, every Christian life is always in danger because we always have an enemy trying to overthrow our faith. This may be visible or invisible, knowing or unknowing. But we do not need to worry; we have ‘a Lion of Judah’ who never lost the battle, never makes any treaty due to His weaknesses. So i am sure if Jesus Christ is by my side I would win every battle I fought. Because HE is our defender.

A wedding photos of me and my love

2010-07-26T14:27:00.003+05:30

A wedding photos of me and my love

2010-07-26T14:14:00.004+05:30

KA TLANTU CHU A NUNG TIH KA HRIA

2010-04-03T20:53:00.003+05:30

Khawvelah hian thilthleng mak leh danglam tak tak a thleng fova. Hman lai ata tawh mitena an sawi hat hat tham thil chi hrang hrang a thleng thin a. A mak leh ropui ber erawh chu Pathian Fapa Isua Krista thlan atanga a tholeh hi a ni awm e.

Awih duhlo tu te tan chuan thilthleng thei a mawi lo a ni. Sawihnawm duhtu te tan lah thawnthu ang mai mai sawi tawk anlo awm bawk a. Mahse ‘Tholeh Isua’ anihna a dang chuang lo. Engtin nge i hriat ? A chhanna chu hei hi – Nungin kan hnenah a inlar thin alawm.

Krista thawhlehna hi Kristianna intanna a ni a. Thihna hneh loh LALPA kan neih avang hian ‘Aw thihna khawnge i tur chu, aw thlan khawnge i hnehna chu’ tiin tui takin min zaitir thin a ni lawm ni ? Ni e A thihna anpuiin Amah nen kan inzawm tawh si chuan A thawhlehna anpui pawh in kan inzawm bawk ang tih kan hre si a.

A thawhlehna tawmpui tu nula pakhat chanchin hi ilo chhiar lawk ang hmiang. Vawi khat chu Conductor Reichei-a chuan a zaipawl leh rimawi tumtute chu Handel-a hlate mi hmaa an sak hmain enlawkna a neih pui a. A hun dik takah soprano malzaitu chuan dik leh nalh zet mai hian, ‘ Ka tlantu chu a nung tih ka hria’ tiin a rawn sa a. Thiam an tih em avangin mi dang zawng zawng chuan conductorin a fak ngei anlo beisei theuh a. Conductor chuan a zaipawl hruaina tiang hmang chuan rimawi leh zaipawl chu titawpin malzaitu chu a pan phei a, pawitih hmel zet hian “ Ka fanu, I tlantu hi a nung tih i hre na nge ? i hria em ?” a tita mai a. A ni chuan, “ Eng vangin, e,.. aw, ka hriain ka inhria,” alo ti buh niai a. Reichel-a chuan, “ I hre tak tak a nih chuan chu chu sa ta che; tholeh LALPA thiltihtheihna chuan a awmpui che avanga I hlimna chu ka hriatpui theih turin I hla sak hmang ngei khan min hrilh ta che,” a tita khur khur mai a. Rimawi tumtu te chu a tantir leh nghal vat a, nula chuan Krista thawhlehna chu a tawmpui tak tak tih tilang thei khawpin a chanvo chu a han sa chho ta a. A ngaithlatute mittui a tla a, conductor putar ngei pawh chuan mittui far koh koh chungin chungin, “I hria e, tunah chuan Krista chu a tholeh ngei a ni tih min hrilh chiang ta!’ tiin lawmthu a hrilh ta hial a ni.

Thiante u, kan tlantu hi a nung ngei a nitih kan hre ve em ?

E…thil pakhat ka sawi theihngilh dawn. Kan tlantu hi a nung ngei a ni tih la hrelo ten chu ‘Tlantu nung’ chu an hmuh ve theih nan Chhuihthangvala leh Lengi ten kan puanven i sawi chhing ang u hmiang.

First meeting in New Vision City Building

2010-01-27T16:56:00.003+05:30

Vision City

2009-12-21T12:05:00.001+05:30

Kan building sak pawh hma kan sawn ve zel e

Duhthlanna sangber

2009-11-26T12:30:00.004+05:30

Mathematics subject hi ka tui vena a nia, sikul ka kal lai pawh khan subject dang ai chuan a tlangpuiin zir nuam ka tiin mark pawh ka hmu sang thin keima tawk ah chuan. He thu ka ziah dawn a ka rilru a lolang pakhat chu mathematics subject-a pawimawh em em parallel lines (rin ngil pahnih a bul atanga a tawp thlenga a zau zawng in ang/tluk ti ila a fiah mai awm e) hi a ni.

Parallel line in a entir pawimawh tak pakhat nia ka hriat ve chu kawng ngil taka kan kal theih nan kan chhuah tanna (starting point) kan hriatchian a pawimawh a ni. Line pahnih zinga a pakhat zawk khi a tirah tlemtein lo kawi ta sela chu parallel line an ni thei lovanga, a line khi a sei/thui tawlh tawlh ang a an in hlat tial tial dawn a ni. Motor pahnih khi kawngah khian tlan ta sela, km 1 ah chuan anla inthlau lutuk lovanga km 10 ah chuan an in thlau tawh viau ang, chutiang chuan an tlan hlat zawh poh leh an inthlau mai dawn a ni. Motor a tir atanga kawng kawia tlan chuan an thlenna tur (destination) a thleng ve thei dawn lo ani.

Kan Pathian hian min hmangaih em avangin kan nuna kawng kan zawh tan dawn reng reng in kan chhia leh tha fim tak hmanga duhthlanna (thutlukna- decision) siam min phal sak thin a. Kan chhuah tanna a pawimawhzia chu a chungah ka’n sawi tawh a khi khian duhthlanna/thutlukna dik a pawimawhzia min hrilh a ni. A tir atanga kawng diklo zawhtu kan nih chuan kan tum ram kan thlenglo thei a, a hnua thleng tura kan beih leh pawhin kan thiante kawng ngila kal te um reng rengin kan khawsa a khua kan tlai phah fo thin.

Khawvel a lo changkang a nawmchenna khawvel a lo ni a, Lal Isua aiin mi tamtakin an duhthlanna hmang diklo in khawvel anlo thlang ta. Reilote atana sual nawmna hlimpuiin Lal Isua avanga tuar an peih lova, atir atanga kawng ngillo an zawh tlat avangin an thlenna tur hmunah mi tamtak an theng ve thei talo a ni. Kawng ngil taka kan kal theih nan duhthlanna dik a pawimawh a keimahni mai chuan he thutlukna pawimawh ber hi kan siam thiam lo a ni. Chuvang chuan Thlarau Thianglim sawm ila kan duhthlanna sangber Lal Isua hnenah I hlan ang u. Amah kan Pathian ngeiin ‘Nunna chu thlang rawh u, in nun theih nan’ a ti si a.

Tlawmna Nun

2009-11-13T16:02:00.001+05:30

Changthlan , Philipi 2 : 5-7
“ He rilru, Krista Isua pawha awm bawk kha, nangmahniah awm rawh se ; ani zawngin Pathian anga awma Pathian tluka awm chu thil thlakhlelh hleih theihaha a ruat lova, mi hringte anga lo piangin, bawih angah a insiam a, amah leh amah a intitlawm ta zawk a”

Nikum 2008 Krismas laia ka rilru hneh em em tu chu Isua Krista inngaihtlawmna, chumi avanga Ama siam mihringte hnena a lokal hi a ni a. A ropui ka ti em em a ni. Mizote nuna thil pakhat mawi em em chu ‘Tlawmngaihna’ hi a ni. Thian chhan thih ngam, midangten an neihve na tur a nih chuan kei chu ka changve lo mai ang tihna rilru a ni a, rilru a mahni aia midang ngaih pawimawhna a ni.Chu chu kan Lal Isua zia a ni a, van ropuina kalsana, Amah leh Amah intitlawm a, midangte tana a thisen far tawp thleng a inpe pumhlum thak a ni. A thihna avangin midangten nunna kanlo chang thei a ni. Chu chu mahni indahtha a midangte tana nunna dik tak chu a ni. Amah ringtu te tan hian entawn tur min va hnutchhiah nasa em!
Tlawmna hi mahni inngaihhniamna ni lovin midangte mahni aia tha a ngaihna te, midangte ngaih pawimawh hmasak zawkna (mahni inngai pawimawh lo nilovin) te a ni a chu chu hmangaihna tihte nen pawh kan thlunzawn thei awm e. Midangte ngaihsakna te, an thatna tura thil tih sak te hi a rahchhuah a ni a chu chuan ‘remna leh muanna’ a thlen thin a ni.
Van ropuina pawh thlahlel hlei thei lovin kan Lal Isua chu he khawvel chhandamturin a rawn kal a chu chuan ‘thuawihna’ a entir bawk. Thihna Atana ruat chu huphurh em em in ‘Kapa he no hian min pel lul rawh se’ ti a ngenin, mahse Chhandama kan lo awm theihnan (midangte tan) A pa thu chu a awih a ni. Ringtuten Pathian fapa thuawih A pa tirhna hniallo kan nei hi kan va nihlawh em!
Tlawmna nun neite tan Lalpan hmun ropui tak vanram min buatsaih sak a, chutih hunah chuan inngaitlawmte chawimawiin an awmve tawh dawn a ni. Heng thiltha zawng zawng hi kan chan theihna turin a hnung kan zui Kan Lal Isua dungthulin inngaitlawmin ringtute i kal zel ang u.
Lalpan A thu malsawm rawh se. Amen

Vision City

2009-11-02T13:00:00.001+05:30

Tunlai chu ka post khat khawp mai a, hei a latest

Heti hian ti ta ila

2009-09-23T13:01:00.001+05:30

Inspired by Television ?
National Geographic ? channel ka en a America rama electric hrui chhia an zawm lai a rawn tilang a, ka rilru ah chuan khang electric hrui chhe zawmtu te kha PA ka tita riau mai a a chhan chu engdang vang nilovin in tamtak, kawtthler leh Factory lian pui pui ten hna an thawh theih nana a pawimawhber kawlphetha a awm theih nana an NUN THAP a a chhelai siamthatu an nih vang a nita ber awm e. Tihsual palh vaih chuan awh khaih! tih ruala a chatthla ta tihna tur hmunah ei an zawng a ni.
Ka ngaihtuahzui ta zel a
Reader Digest te, Lengzema chanchinbu a mizotawnga lehlin thawnthu (tak tak) te kan han chhiar a a ziaktu tamtakte hi ram changkang lo a mite chuan ziakve tlaklo a kan ngaihte an ni a. Mahse ram kan sawinin theih loh sapram a mite chuan kan (ram changkanglo) ngaihdan ang hian an ngaive lemlo a ni ang hmun sangtak an tan an dah sak a ni. Truck Driver mai mai (mai mai =changkang heklo) thuziak pawh Best selling Magazine-ah an chhuah sak duh a helamah saptawng atanga lehlin a nih a vangin an chhungkua chanchin an rawn thaikawite chu bianga mittui far chungin kan lo chhiar ta a ni.
Inthlahchhawnna thil a ni em ?
‘Babu’ kan ti a kan ngaisang em em a a chhan ni awmbera lang chu office nuam takah chair virtheia thu chungin pen hmanga ei an zawn vang a ni maithei. He ngaihtuahna hi kan pi leh pute hun lai atanga lo awm tawh a ni awm e. Lehkha i zirloh chuan hna i thawk ang tiin an fate min zirtir a hnathawh (Kuthnathawh) chu inhremna ang hialin tun thlengin kan lo ngaita a, hei hian a hrin diklo tak chu kan rilruah sawrkar hna thawh chauh hi hnathawk emaw kan ti a hnadang reng reng kan hmuhsit phah a ni. He ngaihdan thalo tak hi kan bulvela chengve Vai kan tihho zia atanga kan lak a ni maithei, anni chuan hnam inthliarna an kal pui a chu chu hnam hnuaihnung (Kut hnathawktu te) hmuhsitna inthliarna a ni.
Sapram leh kan ram
Sap ho hi kan han ngaisang khawp a tawp deuh pir per pawh nise thlang sappui kan ti a kan en chung lah mai a, an rama kal chu sawiloh anni ho nena thla kan lak ho ringawt pawh kan album phek hmasa berah kan paste a ( zepthu chenglo kei pawhin ka ngaihsan piah lamah London velah han kal ila Fly Emirates stadium a Arsenal-in Manchester United 3-0 vela an sawp lai en phei chu ka chak leh zual). Achhan ni bera ka rin chu an changkan bik vang a ni awm e. An changkan na chhan chu mitinin an theih tawk theuh zak miahlo in an thawk a, an thawh phu theuh hlawh an hmuh vang a ni. Saprama kal Mizo tamtak hian an zuk thawh chu helaia hna hnuaihnunga kan ngaih kan thawh duhloh mi nauawmte, restaurant-ah te, mistiri etc.hnate a ni. Aizawla hming langthama mihausa pakhat fapa pawh thing mistiri hnathawkin a awm niin an sawi.
Mahse kan ramah chuan chung hnate chu thawh enah kan en lova, a thing kan ti a kan nulaten chutiang hna thawk chu pasalah an duh lova, chu chuan kuthnathawh hmanga eizawn chu changkanlohna niah min ngaihtir tlat a ni. Heihi a pawi hle kan ngaihsan sapramah chuan a nive si lo. Anni chuan hna zawng zawng hi in ang vekin an ngai a niang eng hna mah an thawk hreh lo. Hna hniam leh hnasang awm lovin eng hna pawh hi an dah pawimawh vek a thawh hreh an nei lo. Chu chuan inpumkhatna leh mi zawng zawng hlutna a siam a, sawrkar ngaihah chuan an rama cheng zawng zawng (citizenship) ho chu an pawimawh vek a ni. Mahse kan ramah chuan mipui tamtak chuan election dawn chauhin pawimawhna kan nei a ni (politician thenkhat ngaihah chuan).
He thu ka ziah chhan
Truck driver thuziah Reader Digest-in an chhuah duhna chhan chu a hnathawh kha enhniamna an neilo tihna a ni maithei a ni. India ramah (Mizoram ah pawh) chuan a tlangpuiin hmingtawpa degree nei tlar tuar ho thuziak hi kan chhiar nasa bik a hna hnuaihnung (nia kan ngaih) thawkte hian hmun an chang meuhlo. Hei hian a entir chu kuthnathawktute pawimawhna kanla hrelo tihna a ni. Zan khat pawh current tel lova awm theilote hian chunga thawkte chu kan ngaisang duh tlat lova, mechanic hote hi awm ta lo se kan motor neihve te hi a tlanthei awm silo va. Puanthui thiam te hi awmlo se eng thawmhnaw tak ha ang i maw. Lo neia eizawngte hi an va pawimawh em! an tello chuan enge kan ei ang ? Thuilo te pawh ke a i kal peihloh chuan driver hna hi hmuhsit ngawt chi a nilo maithei. Kea i kal peih loh na leh i kal thlen theih lohna zawng zawng a hruaitu che a nih kha. Khawvelah hian eikhawp hmu tur te, Pathianin mihringte changkan theihna adah hmuchhuaktur chuan enghna pawh hi a pawimawh vek a, office-a computer hmaa thuthinte an pawimawh tlukin hnadang thawktute pawh an pawimawh tho a ni. An pawimawhna leh an hnathawh a dang e tih chauh a ni.
Chumi hunah chuan
Hengte hi kan practice hunah chuan kan ram chuan changkanna lam a hawive tawh ngei ang le kan ngaihsan thlang sappui ho iang in. Kan thalaiten hnathawh hreh an nei tawh lovang a kan nula te pawn kan tlangvalte hnathawh chu tawiawmin vawkvulha eizawng chu pasala neih an hreh tawh lovang. BSc. (agri) te pawhin dawhkan atangin hna an thawk ringawt tawh lovanga a hmun ngeia kalin loneitute an pui tawh ang. Chumi hunah chuan kiltin (every field) atangin kan thawhchhuah te chu kan seng tawh ang a chung infinkhawm chuan changkanna min thlen dawn a ni. Kan hnathawh theuhte kan in hlutsak hunah chuan enghna pawh thawh hreh kan nei tawh lovang a, All Mizoram Graduate Unemployed Association pawh ‘Hnathawh Hreh neilo Pawl’ in kan thlak tawh ngei ang le. He thu hi suangtuahna a tak thlengtheilo tur Never never Land a nilova kan banphak mai a awm a ni i duh leh duh lovah a innghat e.

One paragraph that explains life

2009-09-03T16:19:00.001+05:30

Ka duhtak awm ta lo ngaiin..

2009-08-04T15:31:00.001+05:30

Ka tawnmang mawl mai nise ka ti ngei mai. Hmanni ni 28th July,2009 dar 7:30 vela kan thiannu Diphu(Assam) miin thu lungchhiatthlak tak mai min rawn hrilh chu Nl. Hmangaihsangi (Sangte-i) Malaria avanga a thihthu a ni tlat mai.Ka rilru ava buai em. Awih har ka ti a ka zanmu tawnmang nise atuk zingah thangharh leh ila kan hun pangangai ang hmang leh ila ka ti a ni, mahse a tak tak a ni miau si. Chuvangin Sangte-i tan he thu hi ziaklo theilo ka ni. Ka khua a van har dawn em !
Kum 2006-a Missionary Pre Service kan training ho kha Sangte-i nena kan in hriatna hmasa ber a ni a, nula fel, midangte tana ngainat awm tak a ni. Amah hi Nagpur University atanga M.Com chhuak niin zirna lamah pawh mi vantlang chunglama mi ani kan tithei awm e. Kan training luh tirh lampang khan kan testimony, missionary-a kan inpekna chhan Chapel-ah leh Class room-ah te kan sawi thin a, tin Biakin hrang hrang a kan kalna ah pawh kan in sawi chhawk thin. Sangte-i Testimony sawi kala hriat reng chu Nagpur-a lehkha a zirlai hian vawikhat chu kawngsirah hian mi pakhat thia lolet reng hi a hmu a tumah hian buaipui anlo tum lova chuchuan a rilru a khawih em em thu a sawi a. Kha mitthi a ruang pawh hlawmtu nei mumallo kha keimahni ang thova Pathianin a hmangaih a ni tiin a rilru alo na em em tih thute a sawi a ni. Nagpur-a a awmlai te khan khawithluktheihna neih (Fakte-a lar vanglai kha a ni a) a khawilai hmun ualau deuhva tanga mitamtak khawithluk a Pathiana piantharna neihtir te kha a chak thin a ni. Chutiang taka Pathian tana thahnemngaia a rilru lo seng thin chu a ni. Tichuan Training kan nei zova kan awmna hmun tur lam kan pan sang sang a, ani pawh Salem Boarding-ah kum hnih a awmhnuin tun kumtir khan Diphu (Karbi Anglong) ah transfer niin kum chanve hnu lekah ropuina ramah minlo kaisan ta a ni. Kum 2006-a Pre Service kan training pui mi pahnih ten kumthum pawh la ral hmain van kohna anlo chhang ta a ava mak em tih mailoh chu sawitur ka hrelo Pathian thil rel dan hi a mak a ni.
Kraws kawng zawh hi a lova hautak em ! Nunna a phut tlat a ni. Mahse “kei heta hi ka awm” kan ti tawh si a, hawna remchang hmupawh lo ni ila hnunglam hawikir thei kan ni tawhlo.

THIM ATA ENGAH

2009-07-18T13:56:00.001+05:30

Sakawr tlan thawm alo awm a, pa pakhat hian a fanu naupangte chu chu sakawrah chuan rawn chuan puiin hmanhmawh tak leh hlauh nei tih hriat tak hian a rawn tlanpui a. Thui an la tlan hmanlo tihin silai alo ri dawp a chupa chu a thaltawp mai a a chatthla zui ta a ni.A chahthlak hma chuan a kaptute mi rawva pui pui mai chu an rawn thleng chawpchilh nghal a, a fanu naupangte chu chung milu la hnam (Head hunters) te chuan an kalbo pui ta a.
Heng ho hnam mawl tak, milu la hnam, khawhring neia inpuh thin hnam mawl takte hi kum 100 alo ral meuh chuan (kum za hnuah chuan) khawvela mihring tamna ber dawttu rama ram bung hrang hrang zingah ziak leh chhiar thiam tamna ber ram alo nita hial mai. An nula leh tlangval te pawh hnam changkang zawk nula leh tlangval ten zah takin ‘namaste’ ‘Sir/Miss I am waiting for your order’ tiin zah takin chibai an buk ta. “Mi thim hnuaia kalte chuan eng nasa tak an hmu ta, thihna hlim rama awmte chungah ngei chuan eng chu a lo awm ta” tih chu atakin alo thleng dik chho zel ta a ni.
Tunhmaa Tungchaw te chu Almirah tha pui puiin a luahlan zo ta a, Khumai dahna hmunah chuan Television leh Computer alo in hung ta bawk a.Tapchhaka lungthu awm thin te chu Gas stove kut tibal ve thei miahlo te chuan rawn thlakin Thlanvawng thleng lian pui pui te chu thleng leh no nalh tak tak in a rawn thlak ta bawk a. Pawnpui bal tak tak te chu han en mai pawh a mawi leh nalh thianghlim bawk sin chak awm ngawih ngawih blanket mawi tak tak in a rawn luahlan a. Seluphan aiah TV Antenna, Chawilung awmna hmunah chuan Karizma Bike nalh taka lo inhung ta bawk a.
He hnam hi an danglam chak khawp mai. “Engtak mitin tieng thin kha a awm a khawvelah alo kal mek a ni”. Ramhuai hnuaia kun thinte chu ramhuai chu an hnuaiah a kun ta zawk a, ‘Head hunter’ hnam chu ‘Soul hunter’ hnam anlo nita. An mithiam tak tak te chuan hei hi ngai pawimawhin ‘Thlarau bo zawng tu te’ hial anlo awm ta bawk a ni.Tuifinriata Lawng chhiatna rapthlak tawktuten khawvar an nghahhlelh em em thin ang chu he hnam hian a nghakhlel a, tunah chuan an hmu ta ‘Eng’ chu. ‘Khawhring’ nei hnam hnenah chuan ‘Khawvar’ a lo chhuak ta a ni.
Kum 1894-ah tuipuiral ram hlatak atangin mingo te he ramah hian anlo thleng a, an thil rawn ken pakhat chu lehkhabu kawm dum a ni a, rangkachak leh lunghlute angin enna a pe chhuak ve theilo. Amah kan hmuha kan duhna turin pawnlam langtheiah mawina leh thatna a neilo. Amaherawhchu a chhungah chuan thuziak ropui tak ‘Eng thu’ chu a awm a. Mi tamtakte enna lo pe tawhtu leh enna la pe chhuak zel tur ‘Chanchintha’ thu chu He Lehkhabu ah hian a awm a ni. Chu Chanchintha chu hming zawng zawnga hming chungnungber ‘ISUA KRISTA’ a ni.
He hnam hi hnam vannei tak anva ni em ! An vanneih zia hi a chunga kan rawn sawi tak zawng zawng khi a entirna mai a ni e. ‘ A then pawh kan hre theilo he lui kam atang hian’. Chu Chanchintha Eng LAL ISUA chu a engmawi em a tin a ni. Tunah chuan he hnam hian chu eng chu hluia kiltu mai ni tawhlo in Fatu ni a eng chu mihluia sem darh tawh zawk turin eng neitu ISUA KRISTA thu chu zawm zel in eng chu an chhidarh zel a, Khawmawi atanga Kanyakumari thlengin Damparengpui atanga Dehradun thlengin chhitdarh zel an tum a, an chhidarh mek zel bawk. An rawngbawlna LALPAN malsawm mawlh rawh se.

Vision City

2009-07-17T15:14:00.003+05:30

E Khai duh angin update ava har ve minlo hrethiam teh un.Ka thlalak pawh hi kan telh leh hram a nge.

Open the eyes of my heart

2009-07-01T15:02:00.003+05:30

Lirthei thar (lo deuh)

2009-06-10T14:16:00.007+05:30

Inpuanna

Mizokum chhiar leh vai kum chhiar pawhin kum enge maw zat kalo nive ta reng mai, he khawvela vawi engemaw zah Krismas ka hman hnu hian keima hming chuanna lirthei hi kala nei ngailo hrim hrim a mi lirthei hnungah intithei takin ka thu bu lawp lawp ringawt thin.Mahse tum kum chu .....a dang tlat.

Keia thilthar neive hi !!!!

Thenkhat tan chuan hmusitawmtak tur kalo ni, eng vang maw ? ka thiante ho hi mawle an tan hi chuan zahpuiawm tak ka ni.Khai mah aw -tute emaw pulsar 180 dum (camera tha chi pawh a nei a nia aw) nen an han leng ziai ziai a, karizma mihausa chauhin a neihtur emaw kanlo tih thin neitu nente pawh kanin be ve fo ta mai, tihtak em ah chuan ka thilthar ve hi thianpa epis-a leh azzask-a te camera manto man zatve pawh a tling a ngem aw ka ti hial a ni. Chutia thilthar neive em em a kalo inhriat laiin a let tam tak (hetiang zata tam hi ka mumangah pawh kal hmu ngailo hrim2) in Dr Martin-a ten mi dang luah mai2 tur flat an han lei bawk a, UOH-a kan nula thenkhat Laptop man zat ngaihtuah phei chuan keia lirthei neihve hi chu inkhualtelem na thil ang lek niin ka hria...zahthlak tak a ni. Chuti chung2 chuan Sunday inkhawmna velah te thian thenkhat ten "Kha a va la tha ve (a thar a nilo tih a hriat ngawih2) an han ti a " kalo lawmve em em ringawt . Mahse chu ai zawnga ka riru tina em em tu pakhat chu thianpa RC-a'n ka leitirh a "Petrol ai chuan dettol a heh zawk ang " a lo tive khanglang kha a ni (tun thleng hian dettol bur 1 pawh Pathian khawngaihna zarah kala leilo).

Chapona

Mahse chuti chung2 chuan chapona hi zu han nei tlat ia (mihring rilru tak hi chu aw). Tun hma a mi scooter hnunga thu a office nitin kal thin kha mahni khalh ngei a han chuan chuan han hawi champ. deuh a awl khawp mai. Office bana Theihai (Kawlhai) kg 1 lek han lei te pawh tun hma ai chuan a lo nuam zawk ta. A carrier (a seat hnuai ka tihna) han hawn a thil lei han dah a han khar rik rap te hian ka changkan hmelta riau te hian ka hria a (mi nuih kati za awm e). A...sawi zel tawhlo mai ang.

Ziahtur ala tam mai, a remchan chuan kanla chhunzawm leh dawn nia.

Update photos of Vision City

2009-06-09T15:43:00.009+05:30

India Missions Association (IMA) Vision City - A place of multiplication of of vision, strategy and leadership, which will positively affect the nation to follow Christ with ripple effects across the world.

Kitchen & Dining Hall construction work is in progress.

I am rich ! ! !

2009-05-07T16:55:00.005+05:30

I woke up. From where? From bed ? No, absolutely not. I woke up from that moment when a friend of mine said we have many things to claim from God by being the children of God. Ask and it shall be given unto you….Is it a false promise ? No, absolutely not. When the younger son said “Father, give me my share of your property”. Is he did some mistake by asking the property ? Does he really have his share according to his claim ? The younger son has the right to ask his share because he is the real son of his father so he can inherit his father’s property.

I compared with some of the ministers who used to say there are crores of money which we can get from the central Government by proposing some projects with new idea (In Mizoram context). Yes, this is very much true because central Govt. is implementing new projects, schemes etc. day by day. If we came to know that this can be applicable for us and if we apply it immediately we can get crores of rupees for our state. Recently I visit one website that gives Tribal Scholarship for studying in Foreign countries like South Korea etc. Almost all their expenditure will be paid by the Government and the student have to pay very little amount of money. Then I came to know one more privilege/benefit we can claim by showing our ST certificates.

So …anything else? If I am the real son of God why am I hesitate to ask God and claim His richness for me because I know He loves me and would do anything for me. So fortunate by being the children of God.

Though I don’t deserve to get His goodness still God let me tasted His richness !

Heng hi Isua zara ka ta

2009-05-02T16:27:00.003+05:30

(Kum 2006-a Missionary training centre, Mission vengthlanga kan training lai khan thian duhawm takmai ka chhar thar a. Mi nunnem, tawngtamlo, zezawi dap mai a ni a.Rinna lamah phei chuan u anga ka en thin a ni. Mizoram chhimlam Vathuampuiah Missionary hna rinawm taka a thawhlaiin mithate chu Pathian pawhin vanrama Amah nena awmtura a koh zawk thin avangin nikum 2008 khan malaria natna avangin van kohna minlo chhansan ta a ni. Ka ngai em em a, atana ka tihtheih awmve he article hi ka thianpa P.Lalnunpuia hriatreng nan ka hlan a ni)

Khawilam mi nge heng mite hi tia minlo zawt anih chuan tihian ka chhang nang che-heng mi tamtak zinga a then hi chu annu pum chhung a an awmlai atanga Pathianin Ama tana a ruat te anni a, a thente chu an hna tha tak takte chawplehchilha bansana Pathian kohna chhangte anni a, a thente chu Pathianin a hmangaih em avanga A rawngbawltura a ruat avanga an nunna vawi tamtak a zuahsak tawhte annih hi. An vai hian damchhungin a nuamah leh hreawmah pawh thawkturin an in pumpek a, an tlinlohna leh fellohna haidera an awm ang anga pawmtu Pathian tan an thisen far tawp thlenga thawk turin an chhuak ve tawp mai a nih hi. An Lalpa an vuakna vualtea tihdama an awm avanga vuak tur ve tur te, An Lapa thihna avanga chhandama an awm avanga midangte chhandama an awm ve theihna tur atan a tul pawh a thive tur te in anlo kalkhawm a ni. Mahse Davida vengtu pathian chu an vengtu a ni a, Joba laka rinawm pathian chu an tan a rinawm thin a ni. Chuvang chuan a ni an nitin nuna an thil tawn apiang a nuam emaw a hreawm emaw ‘ Heng hi ISUA zara ka ta’ tiin anlo sawi thei thin a ni.

Mizoram map ena a chhim kil tawp te, khawthlang tawp leh a hmar tawp te hi mi tam zawk tena kanla tlawh pawh loh leh kanla hmelhriat loh a ni. Chung khua te chu a hreawmzia hretur pawh a mumangah pawh kanla hmuh chin loh te an ni.Vathuampui te chu tunhmaa hriatpawlh tur pawh a a hming kanla hriat ngai loh a ni a, Thaidawr khua a awm thin tih hria chu tlemte chauh an ni ang. Chung hmun ramrehah chuan a ni heng mite hian Kriata tan raldo nun an chan thin ni. Chung khua zinga tamtak chu a chang changa lirthei lut thei an ni a, akawngte chu a mam lemloh avangin ‘Drive slowly, reach safely’ tiha ‘slowly’ tih thumal kher hi chu hmanve ngailo khawp a tlan chak theih chuanglo a ni a. ‘Drive fastly’ ti ila a khalh tute chu dan bawhchhe mai tur vek an ni. Lirthei a kalve theih lai pawhin an vang mai mai khawp a, ‘traffic volume’ chhiar ta ila, nilengin helai hmunah hian ,motor 5 a rawn tlan tlang tihte chu awihawmloh khawp a thudik a ni.Heng hmun te hi kan ‘mi’ rawn sawi takte thawhna hmun tam tak zinga a entirna kan rawn tarlan an ni. Chawhmeh lamte – chawhmeh tha leitur avan em em na hi pawisa tlem tlem a an khawlve theihna tura Pathian remruat pawh a ni maithei. Alu leh Dailuah pawh duh duh huna leitur a awmlohna hmunah chuan ei han tihtui a har khawp ang. Khawpuia rawn chhuaha a Dal duhtawka han hawp kiang kiang te hi an duhthusam midangte tana nuihzatthlak a lo ni thin a ni. City Bus-a i chuan a, dam tha ver vawr, mahse hmel han en pawha thingtlang khaw chengker atanga lo zin niawm taka thawmhnaw tunlai lo tak ha leh taksa han en pawh a eitur tha hmulo tih hriat reng mai i hmu a nih pawhin lo nuihzat mai suh. Chung mite chu heng kan ‘mi’ sawi te zinga mi taksa leh thlarau lama pur chaw tura khawpuia lo chuang chhuak an ni mai thei, an awmna in a zirloh em a vang ani tih ngaihtuah thleng turin ka chah duh che a ni. An Kohhran khuang vuakna tura Badminton Racket fawng khawlaia tla mi hmuh hlau taka an lo char a nih pawhin lo nuihzat lo hram turin ka ngen che a ni. I hretawh maitheia, mahse i hriat nawn leh atana ka duh chu, heng mite hi Mizoram, Mizo hnam damna thuruk an nih tih mai te hi. Ni e, heng mite hian an awmnaa hreawm tamtak an tuar chu sawiloh, khawpuia anlo chuan chhuah nikhua a mite nuihzat an nih nate pawh an tana tuar saktu Lal Isua tana an tawrh ve na a ni tih hria in “Heng hi ISUA zara ka ta” an tizel thin a ni.

Natna hreawm tak tuarte hi a hreawm tehlul nen chung natna hreawm tak tuar inhuama hmun pilril lam pan te hi mite ngaihah chuan ‘mi a’ an nilo thei lo.Mahse heng ‘mi’ te hian chung natna chu tuar huamin ‘mi a’ an ni ngam a sin. Sikserh natna veihma pawh a sikserh damdawi in eitirna hmunah chuan sikserh natna chu ka chanpual a ni kan ti thei awm e. Chung natna hlauhawm pui pui te chuan lainatna leh khawngaihna nei miah lovin chhethei, nathei, tuarthei leh thithei heng ‘mi’ te hi a han bei tak tak a, he taksa dawrawm tak hian chu natna chu a ngam thinloh avangin taksa mam nalhve tak thinte pawh hunreilo te ah chuan an mitkhur te chu kawrte thuk tak ang maiin a lo khuar ta dek duk thin a ni. Mahse heng kan ‘mi’ hrat khawkheng ho te hian ‘chawl tang e’ an tilo mai ni lovin ‘tuar zela hnehna’ chu chang ngei turin an puan vente an sawi chhing sauh sauh zawk a ni. Ni e hnehna chu chang mawlh rawh u. Mihring taksa hi vaivuta siam a nih ang ngei a vaivuta kir leh tur a nih avangin heng kan ‘mi’ huaisen te zinga a thente chuan fam anlo chang mek bawk a. Mahse thilmak deuh lo awm ta chu hei hi a ni- heng kan pasaltha ho te hi khawvel natna chi hrang hrang avanga an thih laimek pawh in an thih chhan chu ‘Chanchin Tha’ a lo ni thin a ni. Ni e, Chanchin Tha avanga tholeh Isua Kristan A tana thi ve tlaka an chunga A thilphal em avangin lawmthu an sawi zawk thin a ni. Heng natna leh thihna mihringte chunga tuitla lo em em mai an chunga alo thlen pawhin heng ‘mi’ te hian hlim leh l;awm takin “Heng hi Isua zara ka ta” an lo ti zel thin a ni.

Lalpan kan tan thil ropui takte min tihsaka kan lawm hle a ni tih chhiara Pathian hnena lawmthu sawi hi tawk mai selang chuan ramthim ramrova kal hi a tul kher awm love. Mahse I rawngbawl duhlo hnam leh ram chu a boral dawn si a tih kan han chhiar thlen erawh chuan Lalpan kan tan thil ropui tak min tihsak avanga Pathian hnena lawmthu sawinan Lalpa rawngbawl chu kan tihtur a ni si a. Chanchin Tha chu hril rawh , ahunah ah te a hunloah te pawh hril zel rawh ti a hrilhtu kan nei si. Chuvang chuan a ni heng kan ‘mi’ hrat khawkheng ho te hi miten changkanna lamhawia ke an pen mup mup lai a mi ‘fingvarlo’ nih hlawh a hmun khawhara an awm thin ni. Mahse Isua avang chauhva engkim nei an ni tih an in hria a, he khawvel thil an channa nasa tak te chu an tana van hmun ropui rawn kalsantu atan ani tih an hria a, “Heng hi ISUA zara ka ta” an ti zel thin a ni.

Zirmite chuan he khawvel hi kum maktaduai tam tak liam ta a lo in tan a nitih an sawi a, amaherawhchu alo in tanna hun chiang taka an sawitheilo ang bawkin a tawp hun pawh an hre heklo. Mahse he khawvela miten atawp hun an hriat loh avanga he khawvel hi chatuana awm reng tur erawh a nilo. Ni thimah ala chang anga thla pawh thisenah ala chang dawn a ni. Chutih hunah chuan tawpna ni chu alola thleng dawn a ni. Tawpna ni a kan lei hring nun te a ral hunah chuan he kan dam chhunga kan thiltih that leh thatloh ang zela relsak kan ni dawn a. Chutih hunah chuan lei leh vana Roreltu chuan A chanchin Tha puangtu te hnenah chuan ‘Ka pa vohbik te u, lokal ula, he khawvel siam tirh ata in tana ram ka buatsaih chu chang rawh u’ tiin van kawtthler ala fanpui anga. Chumi hmuna awmte chuan ‘ heng puanvar sinte hi tute nge ni a khawi atanga lokal nge an nih’ ti a anlo zawh chuan Ani chuan ‘ Hengte hi hreawm nasa tak ata chhuak hote kha anni’ tiin ala chhang dawn a ni. Chutih hunah chuan leilawmna aiah van lawmna an chang tawh zawk ang a. Chatuana ropuina an chan tur zawng zawng te chu ‘Heng hi ISUA zara ka ta’ tiin hlim takin Lal chu an awi tawh dawn a ni.

Min dilsak thin englai pawhin…

2009-04-17T15:06:00.000+05:30

Mizo pa pakhat thuziah ka hriat reng chu, vawi khat chu zirlai a nih laiin Mizoram buai lai vel khan India sipaiin an man thut a buaina a inhnamhnawih veah leh alo tanpuitu nia an ngaih vang a ni. Jail-ah engemaw chen a tan hnuin a Court- a a kal hun alo thleng ta a, Court-ah chuan mi pakhat hian chupa chu buainaa a inhnamhnawih ve loh zia te, zirlai mai a nih thute Judge te chu a hrilhfiah sak a, Judge chuan chupa thusawi chu lo pawmin chu mizopa chuan thiam changin Jail atang chuan a chhuak ta a ni. Chupa chuan a sawi dan chuan thiam kan chang chiah chu Lal Isua in rorelna lothleng tura A pa hnena min dilsak tur hlutzia ka hrethiam ta e tiin a ziak a ni.

Kan Lal Isuan he khawvel a chhuahsan hma khan a zirtirte leh Amah ringtute kha A kalsan hnuah an beidawntur zia te, an lungngaihtur zia te a hria a, an hotupa, anlo chhuan em em mai Misual ber anga khenbeh a an hnen ata a kalbo tur chu a zirtirte dinhmun tur a ngaihtuah a a khawngaih em em a. Chuvang chuan A pa hnenah a zirtirte leh A hnu zela Amah la ringturte tan nasa takin a ngensak ta ni.

“ Ahmasa berah chuan Amah ringtute kha A pa ringtu te pawh anni tih A pa chu a’n hrilhfiah phawt a, Lal Isua ringtute chu Amah A pa ngeiin a rintir anni tih te, A pa thuzawmtu anni tihte, Lal Isua chu Pa hnen atanga chhuak a ni tih Amah ringtuten an hriat thute a sawi a”( Johana 17:6-8). “Chumi hnuah chuan ngenngawl takin he khawvel tana ngensak nilova Amah zuitute tana a ngensak thu a sawi a, khawvela A awm tawh dawnloh avangin anni ho chu lohum turte, pumkhat an nih nante a ngensak a ni. Khawvelin anni ho chu anla haw dawn a chuvang chuan Misual laka lo hum a lo tanpui thin turin A pa hnenah chuan A ngensak a ni. Lal Isua anga an lawm a kimna turte, thutaka an thianghlim ve theihna tur tein a dil bawk a ni.”(Johana 17:12-17)
Tin, chang 24-ah chuan Lal Isuan Amah ringtute chu A awmnaa awmah a duh a A pa hnenah a ngensak a ni tih kan hmu bawk a ni.

Min dilsakna hi hmangaihna thlawn niin i hre ve em? Phu hliah hliah ni ta ila – ka phulo tih ka in hria, a awm ve rengah ngai ta ila – a awm ve reng na turin enge A tan thiltha ka tih thin ? Buddhist te angin kan dam chhunga kan thiltha tih hi kan sualna aia a buk a rih chuan vanram ka kai ang ti ve ta i la – ka tla nghal ang tih ka hria. Ka nun hi uluk takin enlet dawn ta ila, ka ngamlo.

Chuvang chuan khawngaihna mak, mawi leh duhawm a lo ni. Ka phu vang te, ka beisei vangte nilovin, ka hriat vangte ka that reng vangte ni hek lovin. A hmangaihna chuaitheilo avang chauhin kan tan minlo dilsak thin a lo ni.

Englai pawh a mindilsak tu, min tanpuitu Lal Isua kan nei hi ava ropui em ! Chuvang chuan a ni miten “Tuin nge thiam loh mi chantir ang? Thia kha Krista Isua chu a ni si a; a ni, tho leh ta zawk a, Pathian ding lama awma min sawisaktu bawka kha a ni.” anlo tih theih thin ni.

Good Friday Special

2009-04-07T15:04:00.007+05:30

Lungngaih hapta kanlo thleng lehta reng mai he hun ah hian kan tana nasa taka tuara, thihna khawp hiala thu zawmtu kan Lal Isua Krista hi i hrenawn thar leh ang u. A tuarna zawng zawng kha i tan leh ka tan a ni si a.

Lungngaihna vawrtawp in a tlakbuak a a thlan te chu thisen hlawmlian tak angin a far zawih zawih a, he thihna hian pel hram se tihle mahsela nang leh keia chan tur hi a dawn changin a ngai ngam lova, thihna kutvawt chu a tuar ta a nih kha. Kan thinlung A lamah hawn ila Kalvari tlang chanchin minlo hrilh ngei ang.

A tuarna te i tawmpui theihnan Good Friday chibai le

Missionary Hna leh Kei

2009-03-27T13:40:00.001+05:30

Hun puma rawngbawl tura ka chhuah hnuah hian engber hi nge missionary hna tia keimah leh keimah inzawh chang vawi tamtak ka nei thin. Missionary a ka chhuah dawna ka chakber fo chu evangelist hna (direct taka midangte Pathian thu hrilh) hi a ni a, mahse kum thum emaw chauh ka thawh hnuah pawh hian hmun hnihah thawk tawhin hna chi hrang hrang ka thawk kual a, Assam-a zirtirtu ni thin kha Hyderabad ah insatu ka ni leh a, in chauh kan sa dawn emaw tih laiin electrician tihtur ni awm tak Generator, Transformer tihte kan khawih leh a, chutah a chang in IMA magazine proof reader ah te tangin grammar te ka check bawk a. Missionary-a ka luhtirh a ka duh leh ka chak ang kha ka thawkta reng reng lo mai. Mahse..…ka sawi duh tak chu hei hi a ni ‘Enghna pawh thawk ila Missionary hna ka thawk a ni tih hi ’. Ka duhna leh chakna chauhva rawng ka bawl hian missionary ka ni hliah hliah bik a ni kher lova, ka chak lohnaa ka thawh pawh hian missionary ka ni reng a ni tih hi ka pawm thiam ta.

Chuan Sailova hla hi ka conclusion chu a lo ni e..
Lawmthu sawi tur kalo ni e ISUA hnenah,
Ka chantawka ka rawngbawlna ka thlir chang hian
Engkim mai hi hmangaihna vang alo ni e,
Min dahna hmun ka tan reng hian a lo tawk si.

foundations

2009-02-11T14:26:00.000+05:30

Whatever we are going to start anything in every aspect of our life there has to be a foundation in which we can stand firm, get resources, eventually will lead us to our goal. So, I choose the following Bible verses for the foundation of this blog not only to achieve my goal but also to be a blessing for the readers. Lets look at it…6:33

Mathew 6: 28"And why do you worry about clothes? See how the lilies of the field grow. They do not labor or spin. 29Yet I tell you that not even Solomon in all his splendor was dressed like one of these. 30If that is how God clothes the grass of the field, which is here today and tomorrow is thrown into the fire, will he not much more clothe you, O you of little faith? 31So do not worry, saying, 'What shall we eat?' or 'What shall we drink?' or 'What shall we wear?' 32For the pagans run after all these things, and your heavenly Father knows that you need them.

33But seek first his kingdom and his righteousness, and all these things will be given to you as well.

thanks awzzman !!

2009-02-10T21:16:00.000+05:30

hey friend, you help me alots to creat this blog, even i disturbed you while you are having dinner hope you don't mind. i really admire people like you who never hesitate to stretch out their helping hand ( in fact it was a helping voice....through telephone) , imagine how this world will looks like if it is filled with helpers not takers, trying to help each others. yes , this blog born and came up...its open for everyoneeeeee

chibai

2009-02-10T20:47:00.001+05:30

chibai